هبل @@

السلام عليكم ورحمه الله و بركاته

ممم قبل شهرين تقريباً راح الفقيد الغالي ع قلبي ايفوني الجميل الي عاش معايه سنتين و نص
* مسيقى حزينة *

فـ جلست فتره ابغ ايفون ذهبي و ازن عشان يجيني

فـ دادي قال اجيب معدل ٣.٥ من ٤

بس مع الاسف جبت ٢.٩ بس اعتبرها ٣ اصلاً الي قلته ٣ بس احتمال تترفع لـ ٣.١

بسبب الاستديوا لو عدلولي درجته اصلاً حروح اتضارب لو ما عدلوها

المهم فـ من اول ازن و اشتغلت ع مشروعين لدادي عشان في حال ماجبت المعدل و منها اتشرط و اجهز الاستديو حقي

فـ المشروع الاول كان عماره في جيزان هما اكثر من عماره بس اشتغلت ع وحده و الثانيه بس عدلت فيها شويه

الشغل كان اني ارجع اعيد تقسيم الغرف حسب الاعمده و كم شي.

طبعاً اهم نقطه اني تعلمت شغلات كثير في البناء من ناحيه الستركشر "الهيكله" الاعمده و البيم و انواعه و الصبات

و كيف وضع السقف ...

فـ كان شي جيد

المشروع الثاني كان اعادت ترتيب وضع الاعمده في موقف هو مشروع للحرس الملكي @@

فــ كان شغل بطيب بس متعب لانه فيه الاعمده حوسه و فيها عفش ما يعلم بيه الا الله

...

المهم فـ نرجع لجزئيه الجوال طبعاً اخر يوم قبل ما تنتهي الاجازه

كنت مر مشتهيه من بون ايس كرمل فـ امي قالت تبغ تروح تقضي للبيت و بتجيب الجوال

و انا من اول ااكد اني ابغ يفاجئوني و كل شويه اقلهم ما حروح اشتري الجوال <.<

و روحوا اشترولي و سولي كذا حركات

المهم فـ مافس غير السواق و امي ما تروح معاه لوحدها فـ كنت حروح فجاء اخويه تبرع يوصل X.X

طيب ليش خلتوني اجي "هو برضه كنت مشتهيه الايس"

المهم هما اشتروه و انا رحت جة ثانيه و اقلهم اصلاً ما حشوفه

و لحد الان ما فكيته ليه حوالي ٣ ايام و بدون شريحة فـ لسى اقلهم انه سولي حركه

اليوم فكيت شنطه امي اور ع فلوسي فـ خرجت كيس و مستعجله

و امي تقول ما شفتي حاجه و انا اقلها ها ؟.؟

بعدين رجعت شفت الكيس الاقي الجوال "تقابلت اعيينا للحظه T^T "

سويت نفسي ما شفت و رجعته

و اخويه كل شويه يقلي فين جوالك و انا اقله ما عندي XD

و امي تقله اصبر و قلتلها ايوه ما جبتوا القدر

" بي سي الي جابولها ايفون ٥ الذهبي في قدر XD "

# ايش الشعب ذا ما يعرفون يسون مفاجئات حتى بالزن

* صورة الفقيد الاخير هيا الي فوق صورت بجوال امي كان بتاريخ ١٩ نوفنبر السنه الماضيه T^T