يوم المهنه في عفت

السلام عليكم و رحمه الله و بركاته

طبعاً احد الانشطه في الجامعه يوم المهنه

تجي شركات من كل حد و صوب لجميع التخصصات تقريباً

و يجوا ناس من الجامعه و من برا الجامعه عشان يتوظفوا او يعرضوا و ضايف

طبعاً اغلب الناس الي يرحوا يشوفوا يا جونير او سونير يعني الي هم ع وشك التخرج

المس حقنا راحت قالتلنا يله ع عفت هول عشان الكارير دي ع اي اساس و دتنا و احنا فرشمنت ١ ما ني عارفه

"المسميات الغربه هذي هي التدرجات و هي كالتالي"

فرشمنت ون: اول سنه و له عدد ساعات معين

فرشمنت تو: ثاني سنه و له عدد ساعات معين يا شي اربعين او حاجه

سفامور: هذا ثالث سنه و شي ٧٠ ساعه

جونير: هذا قبل اتخرج رابع سنه

قردويت:هذا آخر سنه حق التخرج

المهم كانوا ناوين يقعدونا في عفت هول نسمع كلام مال امه معنى

اول شي هذا الادمي تكلم و له مركز في البنك الاهلي

تكلم انه اغلب الشعب شاباب و طاقه يجب ان تستغل و توفير و ظائف

و كم كلمه زي الناس و مشي كلها ١٠ دقايق او اقل

بعدين طلع بعده هذا الادمي يا انه ما سكت بس يقرق فوق راسنا

عن الوظيفه و هو كيف جا السعوديه و كيف كان ف الثنوي و الجامعه

و ما سكت من نص ساعه يمكن و انا خلاص جاني النوم منه و فجاء ستيف جوبز

ما سكت و احنا و صحباتي صدعنا و قررنا نمشي

و سحبنا عليهم

رحت ع الداينق و لقيت عفوشات من الشركات ما حبيت اصور كثير

عشان فيه صور بنات و مني متحمله اثم احد مع انه و لا وحده كانت مغطيه تقريباً زي الناس الا ما رحم ربي

و الدنيا كلها رجال و ما عندهم مشكله

بس في النهايه ما قدرت اصور براحتي كويس

المهم بعد كشف النظر سار شي جميل اخذ نظارتي عشان يوشوفها 

بعدين جر واحد سعودي يشتغل معاهم و اخذ الورقه و قلي

ليش نظارتك ٣ لو تشوفوا و جهي يوم شفت الرقم جلست اقله انا عمي و بقمت الصدمه و افرصع في الورقه

 اداني في وجهي ايوه ما استوعبت لين مامشيت ردت فعله
طلع نظري مو ٣ طلع ٤.٧٥ و الثانيه ٣.٧٥ فله صح ^.^ اصلاً عادي

 

 

صورت ركن البنك الاهلي طبعاً ع نهايه الدوام ماكان فيه خلايق و هذا احسن

بس كان جميل جداً الركن

ممممم  و بس هذا الي كان في يوم المهنه