تبنى_لاتشتري ... تجربتي مع تبني لقط و بعض النصائح


السلام عليكم و رحمه الله و بركاته

كيف الجميع ان شاء الله بخير
كل عام و انتوا بخير ^^
اليوم حبيت اتكلم عن تجربتي مع منضمة سوفت باوز و عن التبني و ....
اخذت الكتابة وقتها فـ اتمنى تستفيدوا منها ^^
 و اتمنى بهذي التدوينه اني افدت الجمعيات و عرفت ناس بيها ^^






مم حالياً انا ثانيه جامعه لكن قصة حبي انا و البقطط تقريباً من ثالثة ابتدائي او اقل
سنين عمري و انا اعتقد انه مافي اجمل من القطط
لما كنت صغيره ارجع من المدرسه كانت عندي قطة من الشارع تجي دايماً تستناني
عند باب العمارة اجي اديها ايش ما كان معايه شوكولاته شبس اي شي *اعتقد اني موت البسه بذي الاكلات*
المهم جلست فتره انزل بعد العصر الاحق القطط في الشوارع و حتى كنت اناديها بأسماء و العب معاها
و اخواني و عايشين جونا ...
مم اعتقد القطط يا اختفت او انو معد صرت انزل الشارع او ماتت ...
فقدن ذاكره *اعذروني عمري ٧٢*
اتذكر كانت من النوع الي تجي بني ع برتقالي و مخططة 3> كنت اسميها لولو

المهم مر ع بيتنا طيور و سمك ... و في الغالب ماتوا السمك فجاء يموت و الطيور كذلك
فـ صرت انقهر انه عمرها قصير جداً و تموت فجاء ابغ قط T^T



حتكلم عن الصدفة البحت الي خلتني اكتشف جمعيات التبني و اتبنى من عندهم
كـ العادة افر في الانستقرام "للي ما يعرف انا مر مدمنه ع الانستقرام و اصور كثير XD"
 كل الرسامين تقريباً معاهم قطط او كلاب و انا تقريباً ليه ٧ شهور اتعلم ارسم
فـ جالسه اقول لصحباتي ناقصني قطة و خلاص اعترف اني صرت رسامه ليش الكل عندهم ابغ T^T
و خلال الفر  لقيت جمعيات تتبني منها القطط فـ قررت اجرب ادور و طبعاً كل قط يهبل اكثر من الثاني
و قررت حتى لو شفت واحد يهبل و ايش ما كان ابغ واحد كبير لاني اخاف اشيل الصغار XDD
و اهم شي يكون رمادي مخطط اسود @.@ و افر افر و لقيت واحد

http://photos-d.ak.instagram.com/hphotos-ak-xpa1/10358389_625697597521563_1630271144_n.jpg

و طبعاً نجي للجزئيه الثانيه امي ما تحب القطط بس انا جيتلها في لحظه ضعف *فيس برموش*
و قلتلها و ترجيتها و اخر شي وافقت بعدين تراجعت بعد ما كلمت الجميعة
فجلست اقلها خلاص كلمتهم القط خلاص بيجي.
كانت بعد مرحله الاقناع مرحله التسليم لازم يسلموا بانه القط حيجي ^.*
المهم كلمتهم ع الكيك و اتفقت معاهم و اديتهم الطلبات الي يبغوها
في الغالب العمر ما يكون اقل من ١٨ و فيه جمعيات تقبل لين ١٥ سنه
و يطلبوا بطاقة الاحوال بس انا ما طلعت و لا ناويه اطلع XD
فـ اديتهم بطاقة الجامعه المنيله و جبت الاغراض الاساسيه
مشط و مناديل لعيون القطط و بودره و كم شي و الرمل و الاكل جبته من العياده



اولا حتفروا حساب الانستقرام عشان تلاقوا ولدكم الجميل *^* الي حتتبنوه
ثانياً  حتكلموهم ع الكيك حسب اي جميعه و يحطوه في البايو حق الانستقرام
ثالثاً حتأكد عمرك بأثبات هويه فيه بعض المنظمات تخلي الشخص يتبنى اذا فوق ١٥
و البعض ما يقبل اقل من ١٨ سنه بعض القطط الي تكون عند ناس و يعرضوها للتبني تكون الشروط مختلفه
فممكن تشترط صاحبتها انه المتبنيه بنت عشان يسهل التواصل في وقت لاحق ...
رابعاً اهم شروطهم التعقيم او الاخصاء و هذا دايماً يكون شرط اساسي فيهم كلهم
و اي شخص حاب يزيد العدد فيه بسس كثير صغار يتبنى زيادة

فيه بعض المنظمات يستخدموا المعيار الاوروبي في التبني و اسئله طويله شويتين
لكن كلها منطقية فيشوفوا وقت دوامك و اقرب العيادات لك لانو في المدينه مثلاً مافي عيادات عدلة ابداً <.<
و يسئلوا عن سبب التبني




التعقيم و الاخصاء

http://photos-e.ak.instagram.com/hphotos-ak-xpf1/10432021_1433336316928052_538872969_n.jpg

اهم شرط موجود هو تعقيم او اخصاء القطط
لسببين انه ما يستغلهم الشخص و ينتج و يبيع الاطفال
"الاسعار ممكن توصل الفين ريال سعودي و سمعت فيه وحده اشترت بـ ١٠"
القطط تقريباً تتوالد كل ٤ شهور و يكون عددهم كبير
 القطط تجيب من ٤ - ٦ و هذا عدد كبير نسبياً فـ ممكن ينتهي بيهم الامر في الشارع
لانه المالك حينزعج منهم اذا ما كانت عنده النية انه يبيع
و بدل الانتاج في القطط يتبنى و ينقذ ارواح افضل من زيادتها و رميها في الشارع
كثير يتهجموا ع المنظمات عشان هذي النقطه انا في البدايه شفت لا حرام
ربنا اداها هذا الشي ليش نحرمها منه لكن بعد ما قراءة عنه فهمت قد ايش هو ما يأذي القطه
و افضل بنسبه لها و يقيها حتى من امراض كثيره

و هذا بروشر صممته للتعقيم و الاخصاء لمنظمه في الرياض "Saved a life" هنـــا




نظافة القطط
١- القطط بشكل عام نظيفة و ما تسبب امراض و لازم ترحوا للبيطري و تفحصوا القط
بعد ما تاخذوه عشان تتأكدوا من سلامته و .. و في الغالب اصلاً لازم تروحوا عشان تستلموه
بعد عمليه الاخصاء لا تستغربوا لو القط دايخ و هاجد لانو العملية تتسوى ببنج
و بياخذ وقت عبل ما يصحصح منه ^^

 ٢- الكل يعتقد بدون اي اثباتات منطقيه و كلام متناقل انها تسبب العقم .. لكن هذا يصير بسبب طفيلي
و يكون موجود في البراز الله يكرمك للقط مو في القط نفسة و يتواجد في اللحم النيئ برضة
يعني ببساطة يتكفل اي احد بصندوق الفضلات للقط و هو فقط يإذي الحمل
مو يسبب العقم كما هو مشاع <.< لا تفتروا ع القطط و الطفيلي يصير نشط بعد ٢٤ ساعة 
قبل كذا ما يأدي لاي شي

٣- الصحابي الجليل ابو هريره كني بسبب الهره و عناية بها
و في الغالب لعقها لـ فروها لتنضيفه و تبريد جسمها في الصيف البسس مهي كلاب و لا تسيل لعاب الا لو مرضة
و النبي صل الله عليه وسلم قال انها من الطوئف لانها نظيفه و ما هي بمشكله لو شبرت البيت
و فيه قصه انه قطه اكلت من طعام و السيدة عائشة رضي الله عنها اكلت بعدها
يعني عادي تحوس في سريري و تنام معايه اصلاً لو شفتوها كيف تنام القطط 3>

و اخيراً القط حيسبب مرض لو هو مريض زي اي واحد من بيتك مزكم و لا اي مرض يعديك

ترحوا البيطري و القط يصير زي الفله ^*^




الاختلاف بين قطط التبني و القطط الي المشتراه:
قطط التبني تكون قطط اما منقذة او اصحابها تخلوا عنها
فـ يعتنوا بيها و اذا كانت عدائية يدربوها .. و في الغالب يكونوا خبيري
يعني احد الجمعيات في الرياض للاخ زاهي مشاء الله عنده حوالي ٤٥ او ٥٤ قطه
يعتني بيها و يعرضها للتبني بعد
و عمليه الاخصاء او التعقيم مثلاً في عيادة الحمرا بجدة سويتها بـ ١٠٠ ريال لـ امرالد
لكن لما شفت اسعارهم في النت لقيتها ٤٠٠ تقريباً
بعدين تذكرت في الفاتوره كان مكتوب عمليه خصي لقطط التبني @.@
بعدين استوعبت انه القطط المتبناه العيادات تعاملها معامله خاصه
طبعاً متخيلين فرق السعر ناهيكم عن الكشف و التطعيمات ... 

بنسبه للقط الي يتم شرائها ممم في الغالب العنايه سيئه بيها و ممكن تكون فيها امراض و مشاكل
لين الليل و تسبب امراض جلدية ممكن تنتقل للبشر برضة 


البعض يعتقد ان القطط المتبناة كلها  شعرها قصير و قطط شوارع  ممم عن نفسي افضل الي شعرا قصير
اولاً ما احس اني انخدع في شكل جسمها لانو الاقيها نحيفه معصقله ..
و بنسبه للقطط الي شعرها طويل زي الفارسي او الهملايا هذي في الغالب تصاب بفطريات لانه شعرها طويل
اما الي شعره قصير فهي اجمل بنسبة لية بكثير و مناعته اقوى و ما تجيه الفطريات لانه شعره قصير
و اخيراً ترا خلقت ربي مهي قطط شوارع و قطط بيت بناء ع طول الشعر
و المنظمات تعرض جميع انواع القطط للتبني ^^ يعني بإذن الله تلاقوا الفارسي الي الاغلب يحبه
لانه البعض منها متخلى عنها T^T

اهم نقطه في شراء البسس انه نتذكر حديث الرسول صل الله عليه و سلم
انه نهى عن ثمن الكلب و السنور الي هو القط
البعض ذهب بالحديث انه اكره و البعض حرمه
و الافضل اجتناب شي ورد فيه حكم واضح لنا سواء بالاكراه او النهي او التحريم 
و اخيراً في كل كبدة رطبة اجر
ما فرق بين انسان او حيوان في الاجر مع انه الغلبية يقولوا لا الناس مو لاقيه تاكل ...
لكن فيه منظمات لمساعدة الاطفال و الارامل ...لكن في السعودية كلها ما فيها اي منظمه للحيوانات
فـ للحق الكثير يسخروا من هذي النقطة بمن في ذلك عائلتي الكريمه و انه البشر اهم
فـ اتمنى الكل يتجنب هذي الافكار الـ ..

كيف نساعد المنظمات و القطط:

لاحظوا المنظمات غير و القطط غير المنظمات ..
في النهاية مو الكل يقدر يتبنى سواء لمشكل الربو و الحساسية
او لعدم موافقت الاهل و اسباب كثيره فـ ممكن تساعدوا القطط:

١- تبلغوا في حالة شفتوا قطط متأذية للجمعيات الخيرية في مدينتكم
سواء فيها اصابات او حروق او مقفله عيونها او عندها تضخم في عيونها ..
او اي شي غريب في جسمها صوروها و ارسلوها ع الدايركت في الانستقرام 

٢- بأنكم تعطوا القطط المويا في صحون بلاستك جنب الزبالة و هذي نقطة جداً مهم
البعض ما حيقدر يتكفل بمصاريف انه يشتري اكل للقطط و العناية بيها
لكن المويا ما حتكلف و ٥ ريال او ٧ لـ ٥٠ صحن مهي مكلفه و هي في النهايه صدقه
 ليش المويا بالذات السبب و بكل بساطة انه قطط الشوارع تاكل اي شي و بعضها سمين حتى
لا تتفاجوء لقيت بس اسمن من امرالد ولدي الي قط منزل و ااكله معلبات و دجاج و لحم لكن قط الشارع هذا بالذات
مشاء الله سمين جداً لدرجت لو حطيت دري فود ما ياكل منه و ينبش في الزباله #.#
فـ الاكل بشكل عام متوفر عندهم حتى لو ما كان صحي لكن المويا محد حيرمي مويا في الزباله
و اذا قاروره حتكون مقفله فـ ما حيقدروا يفتحوها ابداً ...

مساعدة المنظمات:
١- التبرع المادي بأي مبلغ و حيروفرولكم الحساب ع الكيك
٢- التبرع بالاكل او الادوات او الرمل ..
٣- التبنى حاولوا تتبنوا القطط من عندهم او تعرضوا الحسابات لاشخاص مهتمين بالتبني او القطط
٤- نشر حسابات الانستقرام و التويتر .. في حساباتكم في النهاية الدال ع الخير كـ فاعلة ^^

//
انا عندي فكره خارج الموضوع شويتين مم انا حالياً لسى ما اكدت وضع الفكره
و لا ناقشت اي جميعه في جدة لكن بإذن الله اناقشهم فيها
و هو تصوير القطط يعني انا تصويري كويس + بكمره احترافيه حيكون مرتب بما يكفي
فـ انه نصور لهم القطط .. ليش؟
مم صح انه المتبنى بيتبنى القطط عشان يحبها بس برضه الشكل للقط بيلعب دور في الموضوع
انا احب القطط بس لو خيروني بين اي قط و قط رمادي مخطط اسود حختاره مو عشان القطط
سلعه او اي شيء لكن في النهاية الي يبغ يتبنى و حيهتم برضه حيهمه الشكليات  لو بطرية ما
فـ تصوير الجمعيات مع الاسف شويتين سيء و لو اتصور بكمرة احترافية حيكون جداً مرتب

فـ خلونا نكون صريحين جداً عشان اعرف اذا اقترح هذا الاقتراح للمنظمات او لاء

هذي الصورتين كلها لامرالد و حدة صورتها بـ كمرة جوالي

http://photos-d.ak.instagram.com/hphotos-ak-xap1/10401537_244745832389083_1951048488_n.jpg

و هذي الصوره من الجمعيه

http://photos-d.ak.instagram.com/hphotos-ak-xpa1/10358389_625697597521563_1630271144_n.jpg

اعتقد تقدروا تلاحظوا الفرق طبعاً صحبتي تقلي ليش صار حلو يوم ما جبتيه XD
اوكيه انا عشان اعرف هذا النوع وواقعه في حبه جداً اعتقد انه اجمل نوع من بين القطط ..
اعتقد اي شخص ثاني مو بالضروره يختاره لانو الصوره جودتها شويتين سيئة

المهم السستم في التصوير فكرة في كذا شي:
انا اروح للجمعيات بعدتي حق التصوير + شوية شغلات يعني سلة و خلفيه بيضا ..
شغلات فيها افكاري عشان الصوره

او الفكره الثانيه اخذ كل جمعه مثلاً ٥ قطط اصورها و ارجعها لهم
و كل خميس نفس الوضع ...  لانو في البيت افضل
حجيب الخلفيه ع راحتي اصورهم ورا شي معين انا ابغاه ..

انا ما فتحت الموضوع عشان شيئين اولا كان رمضان بعدها العيد انا حسافر و حرجع ع بداية الدراسة
و لازم اشوف وضع المواصلات و الاقي شاحن للكمرة الزفت و جوالي اصلحه قبل اي شي *^*




مم انصح الجميع باتبني او دعم المنظمة و التبني موجود في الكثير من مدن المملكه
و الخليج اتمنى الجميع يدعمهم بالتبني او  بالتبرع لهم او ع الاقل الدعاء لهم
و الي مو واثق فيهم مهي مشكله يشتري اكل او رمل و يتبرع فيه لاقرب جمعيه
* جمعية سوفت باوز + الاخ زاهي حالياً في امس الحاجه إلى التبرعات
و يمروا بظروف ما يعلم بيها إلا الله فـ اتمنى تساعدوهم بـ الي تقدروا عليه

هذي بعض المنظمات الي تعتني بالقطط و تعرضهم لتبني:
حساباتهم ع النستقرام:
جدة:  riyadhcats - soft0paws
الرياض: openpaws
الرياض تويتر: @Zaherrr1977
المنطقة الشرقية: shargyah_paws فيه عندهم طونطر و كيك عشان تتواصلوا معاهم

و اتمنى اني بهذي التدوينه افدت الجمعيات الاشخاص الي ناوين يتبنوا او الي في راسهم الفكر و ما يعرفوا عن الجمعيات.
و اسئل الله انه يوفقهم في عمل الخير الجبار الي يسوه و يكلفوا نفسهم فوق طاقتهم
و حتى الي يتكلموا عن كونهم يردوا و ...
قدروا تعبه و قدروا الشكليات الي تجيهم يجلسوا يستهبلوا عليه و ان البشر احق و ...
و الرسول قال في كل كبد رطبة اجر ما قال لا حيوان و لا انسان
و البشر فيه جمعيات كثيره تساعدهم لكن القطط مافي اي جمعيات لهم فـ اتمنى انه اي شخص
يفكر ذا التفكير يراجع حساباتهم و يشوف قصص القطط الي فعلاً تحزن من تعذيب من البشر
و دخلة امراء النار في هره و دخل رجل الجنبه بسبب كلب ...
و كل يسعى في الخير ع استطاعته و لا احد يستحقر معروف او صدقة يسويها
يمكن التبرع لو ١٠ او ٥٠ ريال بتنقذ قط يمكن يكون سبب لدخولك الجنه.
اتمنى مشاركه التدوينه ع مواقع التواصل الاجتماعيه الي عندكم
في امان الله^^

هناك 20 تعليقًا:

  1. عاااااااااااااااااااااااااجل وهااااااااااااااااااااااام
    عندي قط ذكر مريض وانا اخذته مرا عيادة لانو ماعندي اخوان وانا بنت ومااشتغل يعني لا فلوس
    والمستشفيات بعبييييييده عن منطقة اللي انا فيه و ابغي احد يتبناه عمره 6 ونصف شهر لونه بيج خفيف ع ابيض كثير
    الله يخليكم احتاج احد يتبناه والله ضروفي مايسمح لي واهلي يرفضونه بشدة وانا ما اتبنيته الام جابت انثى وذكر والجمعية اخذو الانثى مع الام وكنت ابغي ياخذون الذكر بس رفضو
    بليييييييييييييييييز احد ياخذه والله قلبي يتقطع لما اشوفه بهذا الحال ارجوووووكم ساعدوني ......!!؟؟

    ردحذف
  2. اي احد عندة حيوان للتبني يراسلني على الوتس053 247 4458

    ردحذف
    الردود
    1. انا عندي قطة شيرازي وين حضرتك

      حذف
  3. انا عندي قطه صغيرة عند باب العمارة وامها ماتت ومحتارة وين اوديها ولا اقدر اتركها بالشارع لها عندي شهر ونص ارجو المساعده

    ردحذف
  4. عندي قطين للتبني وجدتهم امام العمارة عمرهم شهر امهم ماتت وانا عندي حساسية ومحتارة وين اوديهن ولااستطيع تركهم في الشارع ارجو المساعدة

    ردحذف
  5. عندي قطين للتبني وجدتهم امام العمارة عمرهم شهر امهم ماتت وانا عندي حساسية ومحتارة وين اوديهن ولااستطيع تركهم في الشارع ارجو المساعدة

    ردحذف
  6. أزال المؤلف هذا التعليق.

    ردحذف
  7. أزال المؤلف هذا التعليق.

    ردحذف
  8. عندي قطتين للتبني ذكر وانثى على الاغلب وجدتهم عند باب العمارة وامهم ماتت ومحتارة وين اوديهم ولا استطيع تركهم بالشارع وعندي حساسية لااستطيع من وبر الحيوانات ارجو المساعدة والتواصل على رقم وتس 0534236805

    ردحذف
  9. عندي قطتين للتبني ذكر وانثى على الاغلب وجدتهم عند باب العمارة وامهم ماتت ومحتارة وين اوديهم ولا استطيع تركهم بالشارع وعندي حساسية لااستطيع من وبر الحيوانات ارجو المساعدة والتواصل على رقم وتس 0534236805

    ردحذف
  10. عندي قط ذكر عمره سنه للتبني..مطعم .ومخصي..ابغي اعرضه للتبني بجده.0545942942

    ردحذف
  11. اشتريت أمس قط سيامي بيور درجة اولى عمره أقل من سنة لعوب ودمه خفيف لكن به مشاكل صحية تمنعني من الاحتفاظ به لكنها غير معدية ولا خطرة. ولا أرغب باعادته لصاحبه لأنه من الواضح أنه أساء معاملته فتسبب له بالعديد من المشاكل. أرجو التواصل 0565646018 - 6545026776

    ردحذف
  12. عندي قطط للتبني في جده للجادين فقط :0565646018

    ردحذف
  13. عندي قطط للتبني في جده
    الرجاء التواصل واتس

    +1 (267) 409-9063

    ردحذف
  14. مرحبا عندي قط لونه اسود وابيض بدي اعرضه للتبني لانه عندي ربو ومااقدر اتحمل الوبر عمره اربعه شهور متطعم وماخذ حبوب الدود ومعاه دفتر طبي للتواصل 0549297742

    ردحذف
  15. احتاج قط اتبناه عمر من ٤ الى ٦ شهور

    ردحذف
    الردود
    1. عندي قطة ام وعيالة اربع قطط عمره ٣اشهر لا اسطيع تفرقتهم عن الام في جده رقم التواصل 0534914069

      حذف
  16. قطتين للتبني عمرهم أيام 0500088590

    ردحذف
  17. عقارات للبيع فلل شقق مزارع

    Alaakmيكونأفضلموقعإعلاناتفيالإمارات, يمكنكأنتجدهناأفضلعقاراتللايجارفللشققمنازلإعلانعبرالانترنتفيالإمارات. ابحثعنالأفضلخادمةعاملةمنزليةظيفة, سياراتللبيع, أجهزةإلكترونيةمستعملةوجديدةللبيع, حيواناتللبيعوالتبنيإعلان.


    to get more - https://alaakm.com/public/ar?cl=1

    ردحذف